ອາເມລິກາທົດລອງຂີປະນາວຸດຂ້າມທະວີບຫນ່ວຍທີ່ 2 ໃນຮອບ 1 ອາທິດ ພ້ອມລະບຸວ່າການທົດລອງຄັ້ງນີ້ມີຈຸດປະສົງເພື່ອສະແດງ ສັກກະຍະພາບ ຄວາມພ້ອມ ແລະຄວາມແມ່ນຢຳຂອງອາວຸດ ທ່າມກາງສະຖານະການຄວາມຕຶງຄຽດໃນແຫລມເກົາຫລີທີ່ທະວີຄວາມຮຸນແຮງຂື້ນ

ອາເມລິກາທົດລອງຂີປະນາວຸດຂ້າມທະວີບຫນ່ວຍທີ່ 2 ໃນຮອບ 1 ອາທິດ ພ້ອມລະບຸວ່າການທົດລອງຄັ້ງນີ້ມີຈຸດປະສົງເພື່ອສະແດງ ສັກກະຍະພາບ ຄວາມພ້ອມ ແລະຄວາມແມ່ນຢຳຂອງອາວຸດ ທ່າມກາງສະຖານະການຄວາມຕຶງຄຽດໃນແຫລມເກົາຫລີທີ່ທະວີຄວາມຮຸນແຮງຂື້ນ

ເວລາປະມານ 7:00 ໂມງ ວັນທີ 3 ພຶດສະພາ 2017 ຕາມເວລາທ້ອງຖິ່ນ ອາເມລິກາ ໄດ້ທົດລອງຂີປະນາວຸດຂ້າມທະວີບ ມິນິດແມນ 3 ທີ່ບໍ່ມີການຕິດຕັ້ງຫົວຮົບຈາກຖານທັບອາກາດແວນແດນເບີກ ໃນລັດແຄລິບ ຟໍເນຍ ໂດຍຂີປະນາວຸດຂ້າມທະວີບໜ່ວຍນີ້ ຕົກໃນເຂດໝູ່ເກາະມາກເຊວ ຊຶ່ງຢູ່ຫ່າງອອກໄປ  6,800ກິໂບແມັດ

ການທົດລອງຂີປະນາວຸດຂອງອາເມລິກາຄັ້ງນີ້ຖືເປັນຄັ້ງທີ່ 2 ຫລັງຄວາມ ຂັດແຍ່ງໃນແຫລມເກົາຫລີ ເພີ່ມທະວີຄວາມເຄັ່ງຕຶງຂື້ນ ໂດຍໃນວັນທີ 26 ເມສາຜ່ານມາ ອາເມລິກາໄດ້ຍິງທົດລອງຂີປະນາວຸດນິມິດແມນ 3 ຈາກຖານທັບອາກາດແຫ່ງນີ້ຄືກັນ