ທະ­ນາ­ຄານກຸງສີອະຍຸດທະຍາຈຳ­ກັດມະ­ຫາ­ຊົນໄດ້ຈັດງານສະ­ໜັບ­ສະ­ໜູນເຄືອຂ່າຍທຸ­ລະກິດ ແລະ ຮ່ວມຄູ່ພັນ­ທະມິດ ລາວ-ໄທ

 ວັນທີ 28 ກໍ­ລະ­ກົດ 2016 ທະ­ນາ­ຄານ ກຸງສີອະຍຸດທະຍາ ຈຳ­ກັດມະ­ຫາ­ຊົນ ສາ­ຂານະ­ຄອນຫຼວງວຽງຈັນ (ນວ) ໄດ້ຈັດງານສະ­ໜັບ­ສະ­ໜູນເຄືອຂ່າຍທຸ­ລະກິດ ແລະ ຮ່ວມຄູ່ພັນ­ທະມິດ ລາວ-ໄທ ຂຶ້ນທີ່ໂຮງ­ແຮມ ລາວພລາຊາ ເປັນປະ­ທານຂອງທ່ານ ພອນສະ­ໜອງ ຕູ້ຈິນ­ດາ ປະ­ທານກຸ່ມທຸ­ລະກິດລູກຄ້າທະ­ນາ­ຄານ ກຸງສີອະຍຸດທະຍາ ມີທ່ານ ນົບພະດົນ ເທບພິທັກ ເອກອັກຄະຣາຊະທູດໄທ ປະ­ຈຳລາວ ພ້ອມດ້ວຍບັນ­ດາຫົວ­ໜ່ວຍທຸ­ລະກິດຈາກ ໄທ-ລາວ ແລະ ແຂກທີ່ຖືກເຊີນເຂົ້າຮ່ວມ. ທະ­ນາ­ຄານ ກຸງສີອະຍຸດທະຍາ ຈຳ­ກັດມະ­ຫາ­ຊົນ ໄດ້ເຄື່ອນໄຫວດຳ­ເນີນທຸ­ລະກິດຢູ່ ສປປ ລາວ ຫຼາຍກວ່າ 22 ປີ ແລະ ໄດ້ສະ­ໜັບ­ສະ­ໜູນຜູ້ປະ­ກອບການ SME ໄທ ຂະ­ຫຍາຍທຸ­ລະກິດມາລົງ­ທຶນໃນ ສປປ ລາວ ໂດຍຜ່ານກິດ­ຈະ­ກຳຈັບຄູ່ພັນ­ທະມິດທຸ­ລະກິດ ໃນກຸ່ມທຸ­ລະກິດສິນ­ຄ້າອຸ­ປະ­ໂພກ-ບໍ­ລິ­ໂພກ ໃຫ້ເຫັນປະ­ສົບການດຳ­ເນີນທຸ­ລະກິດຂອງທະ­ນາ­ຄານ ລວມໄປເຖິງຄວາມຕ້ອງ­ການຂອງລູກຄ້າສອງປະ­ເທດທາງດ້ານການລົງ­ທຶນ ແລະ ການຄ້າ ພ້ອມນັ້ນການຈັດງານໃນຄັ້ງນີ້ເປັນຄັ້ງທີ 2 ທີ່ໄດ້ນຳເອົາບັນ­ດາຜູ້ປະ­ກອບກຸ່ມຜະ­ລິດຕະພັນສິນ­ຄ້າ ເຄື່ອງ­ໃຊ້ສອຍໃນຊີ­ວິດປະ­ຈຳວັນຈຳ­ນວນ 13 ບໍ­ລິ­ສັດຈາກປະ­ເທດໄທ ເພື່ອຮ່ວມກັບບັນ­ດານັກ­ທຸ­ລະ­ກິດຂອງ ສປປ ລາວ ໂດຍຜູ້ຊື້ ແລະ ຜູ້ຂາຍ ມີໂອ­ກາດສຶກສາຂໍ້ມູນທາງທຸ­ລະກິດຂອງແຕ່ລະຝ່າຍລ່ວງໜ້າ ພ້ອມທັງສາ­ມາດກະ­ກຽມເນື້ອໃນເຈລະ­ຈາ ແນ­ໃສ່ຊ່ວຍເສີມໂອກາດດ້ານການຄ້າຮ່ວມກັນ ພ້ອມທັງແລກ­ປ່ຽນບົດ­ຮຽນກັນ ໃຫ້ຜູ້ປະ­ກອບການຂອງໄທ ໄດ້ມີໂອ­ກາດຢ້ຽມ­ຢາມຕະ­ຫຼາດການຄ້າສຳ­ຄັນທີ່ໜ້າສົນ­ໃຈ ນອກນັ້ນ ຍັງໄດ້ຮັບຟັງການບັນ­ຍາຍຂໍ້ມູນທີ່ເປັນປະໂຫຍດຕໍ່ການຕັດ­ສິນໃຈທີ່ຈະມາລົງ­ທຶນໃນ ສປປ ລາວ ຕື່ມອີກ. ດ້ວຍປະ­ສົບການໃຫ້­ການບໍລິການທາງດ້ານການເງິນແກ່ຜູ້ປະກອບທຸ­ລະກິດໃນ ສປປ ລາວ ແລະ ເຄືອຂ່າຍທີ່ເຂັ້ມ­ແຂງຂອງທະ­ນາ­ຄານ ກຸງສີອະຍຸດທະຍາ ເຮັດໃຫ້ທະ­ນາ­ຄານມີຄວາມພ້ອມໃຫ້ຄຳປຶກ­ສາທຸ­ລະກິດລະ­ຫວ່າງປະ­ເທດ ແກ່ຜູ້ປະ­ກອບການທີ່ສົນໃຈໃນການລົງ­ທຶນໃນປະ­ເທດໄທ ແລະ ຕ່າງ­ປະ­ເທດ ພ້ອມນັ້ນ ຍັງມີຜະ­ລິດຕະພັນບໍ­ລິ­ການທີ່ຊ່ວຍສະ­ໜັບ­ສະ­ໜູນການເຮັດການຄ້າລະ­ຫວ່າງປະ­ເທດ ລວມທັງດ້ານເງິນຝາກ ການໂອນເງິນ ແລກ ປ່ຽນເງິນ­ຕາຕ່າງ­ປະ­ເທດ ແລະ ສິນເຊື່ອເພື່ອການຄ້າຕ່າງ­ປະ­ເທດ ທັງໄລ­ຍະສັ້ນ ແລະ ໄລ­ຍະຍາວ ອີກດ້ວຍ.[post_ad]