ບໍລິຄຳໄຊໃຊ້ງົບ 30 ຕື້ກວ່າກີບ ຈັດງານກີລານັກຮຽນ
ຕາມການລາຍງານຂອງທ່ານ
ບຸນມາກ ພັນດານຸວົງ ຮອງຫົວໜ້າພະແນກສຶກສາທິການ ແລະ ກີລາ
ແຂວງບໍລິຄຳໄຊ ໃນວັນທີ 10 ມັງກອນ 2017 ໃຫ້ຮູ້ວ່າ:
ໃນໂອກາດທີ່ແຂວງບໍລິຄຳໄຊ
ຮັບກຽດເປັນເຈົ້າພາບຈັດງານມະຫະກຳກີລານັກຮຽນມັດທະຍົມສຶກສາທົ່ວປະເທດ
ຄັ້ງທີ VI ແລະ
ກະກຽມທີມນັກກີລານັກຮຽນພາຍໃນແຂວງເຂົ້າຮ່ວມງານດັ່ງກ່າວ
ແຂວງບໍລິຄຳໄຊ ໄດ້ນຳໃຊ້ງົບປະມານເຖິງ 30 ຕື້ກວ່າກີບ
ເພື່ອຫ້າງຫາກະກຽມວຽກງານດ້ານຕ່າງໆ
ໂດຍສະເພາະແມ່ນວຽກງານພື້ນຖານໂຄງລ່າງ ສະໜາມເປີດ-ປິດ
ງານກີລານົກກົກຄຳ ເກມ ນັບມາຮອດປັດຈຸບັນ ສຳເລັດໄປແລ້ວ 90%
ຄາດວ່າໃກ້ຮອດມື້ແຂ່ງຂັນຕົວຈິງຈະສຳເລັດຕາມແຜນ 100%.ສ່ວນວຽກງານດ້ານຕ່າງໆ ເປັນຕົ້ນແມ່ນການຂຶ້ນປ້າຍຄຳຂວັນ ແລະ ການຕົບແຕ່ງເອ້ຢ້ອງສະຖານທີ່ພາຍໃນເມືອງ ແລະ ແຂວງ ກໍ່ໄດ້ມີການຈັດສັນສະຖານທີ່ຕ່າງໆຢ່າງມີສີສັນສວຍສົດງົດງາມ ຂະນະທີ່ສະໜາມກີລາທີ່ມີຢູ່ຕາມຈຸດສະຖາບັນການສຶກສາ ໂຮງຮຽນ ແລະ ວິທະຍາໄລ ຕະຫຼອດຮອດສະໂມສອນທີ່ມີຢູ່ແລ້ວ ແຕ່ມີການປັບປຸງຄືນໃໝ່ນັ້ນ ກໍ່ໄດ້ສຳເລັດເກືອບ 100% ສ່ວນວຽກການກະກຽມບຸຄະລາກອນ ເປັນຕົ້ນແມ່ນຄູເຝິກ ແລະ ນັກກີລາ ເພື່ອຕາງໜ້າແຂວງເຂົ້າຮ່ວມຊີງໄຊນັ້ນ ແມ່ນມີທັງໝົດຈຳນວນ 254 ຄົນຈາກ 10 ປະເພດກີລາ ເພື່ອສູ້ຊົນຍາດໃຫ້ໄດ້ 15 ຫຼຽນຄຳ ມາຮອດເວລານີ້ ທາງດ້ານຈິດໃຈ ແລະ ພະລະກຳລັງ ແມ່ນພ້ອມເຕັມທີ່ແລ້ວ.
ງານແຂ່ງຂັນກີລານັກຮຽນມັດທະຍົມສຶກສາທົ່ວປະເທດຄັ້ງນີ້ ຈະເລີ່ມມີການແຂ່ງຂັນກັນໄປກ່ອນບາງປະເພດກີລາ ໃນທ້າຍເດືອນມັງກອນນີ້ ຫຼັງຈາກນັ້ນ ລະຫວ່າງວັນທີ 1 ກຸມພາກໍ່ຈະມີພິທີເປີດການແຂ່ງຂັນຂຶ້ນຢ່າງເປັນທາງການ (ປິດວັນທີ 9 ກຸມພາ) ເຊິ່ງຈະມີການຊີງໄຊກັນທັງໝົດ 12 ປະເພດກີລາ ປະກອບມີ ແລ່ນ-ລານ ບານເຕະຊາຍ ບານສົ່ງໃນຮົ່ມ ແລະ ຫາດຊາຍ ກະຕໍ້ ດອກປີກໄກ່ ເທຄວັນໂດ ບານບ້ວງ ໝາກຂ່າງ ປິ່ງປ່ອງ ເປຕັງ ໜ້າເກັກ ແລະ ໝາກເສິກ ເຊິ່ງມີລາຍການແຂ່ງຂັນທັງໝົດ 128 ລາຍການ ໃນນັ້ນຄາດວ່າຈະມີຄະນະນຳ ເຈົ້າໜ້າທີ່ຝ່າຍຕ່າງໆ ນັກສະແດງສິລະປະ ພິທີເປີດ-ປິດ ຕະຫຼອດຮອດຄູເຝິກ ແລະ ນັກກີລາ ຈາກ 18 ແຂວງ ແລະ 1 ນະຄອນຫຼວງວຽງຈັນ ເຂົ້າຮ່ວມເຖິງ 6.000 ກວ່າຄົນ ສະເພາະທີມນັກກີລາແຂວງບໍລິຄຳໄຊ ຈະສົ່ງຄູເຝິກ ແລະ ນັກກິລາເຂົ້າຮ່ວມທັງໝົດ 254 ຄົນ ຈາກ 10 ປະເພດ ບໍ່ມີພຽງ ປິ່ງປ່ອງ ແລະ ບານບ້ວງ.
ບໍລິຄຳໄຊໃຊ້ງົບ 30 ຕື້ກວ່າກີບ ຈັດງານກີລານັກຮຽນ
![]()
Reviewed by makarow
on
7:25:00 PM
Rating:
