ກົມອຸຕຸນິຍົມ ແລະ ອຸທົກກະສາດ ໄດ້ແຈ້ງ ສະພາບອາກາດວ່າ: ພະຍຸເຂດຮ້ອນ ນິດາ (Nida) ຫົວທີ 4 ປະຈຳປີ 2016 ໃນເວລາ 13 ໂມງ ຂອງວັນທີ 1 ສິງຫາ, ມີສູນກາງ ເສັ້ນຂະໜານ 21,3 ອົງສາ ເໜືອ ແລະ ເສັ້ນແວງ 11,4 ອົງສາ ຕາເວັນອອກ, ພວມເຄື່ອນທີ່ ໄປຍັງທາງ ທິດຕາເວັນຕົກ ຕາເວັນຕົກສຽງເໜືອ ດ້ວຍຄວາມໄວ 30 ກິໂລແມັດ ຕໍ່ຊົ່ວໂມງ ພະຍຸຫົວນີ້ ຈະເຄື່ອນທີ່ຂຶ້ນຝັ່ງຕອນໃຕ້ ຂອງປະເທດຈີນ ໃນ
ວັນທີ 1-2 ສິງຫາ 2016 ເຊິ່ງຈະເຮັດໃຫ້ ຝົນຕົກຟ້າຮ້ອງ-ຟ້າເຫລື້ອມ
ພ້ອມມີລົມພັດແຮງ ຢູ່ທ້ອງຖິ່ນ ບັນດາແຂວງພາກເໜືອ ຫາພາກກາງ ແລະ
ພາກໃຕ້ຂອງລາວ ໃນໄລຍະ 1 ຫາ 2 ວັນຕໍ່ໜ້າ ໂດຍສະເພາະ ແຂວງຜົ້ງສາລີ, ຫົວພັນ, ຊຽງຂວາງ, ອຸດົມໄຊ, ຫລວງນ້ຳທາ, ໄຊຍະບູລີ , ແຂວງວຽງຈັນ, ໄຊສົມບູນ, ບໍລິຄຳໄຊ, ຄຳມ່ວນ, ສະຫວັນນະເຂດ, ຈຳປາສັກ ແລະ ເຊກອງ.
ດັ່ງນັ້ນ, ຈຶ່ງແຈ້ງເຕືອນມາຍັງ ພໍ່-ແມ່ ປະຊາຊົນ ແລະ ອຳນາດການປົກຄອງ ທຸກພາກສ່ວນ ຈົ່ງມີສະຕິ ຕໍ່ສະພາບຝົນຕົກໜັກ, ລົມພັດແຮງ ເຊິ່ງຈະມີນ້ຳປ່າ ໄຫລຊຸແຮງ, ນ້ຳຖ້ວມຂັງ, ດິນເຈື່ອນ ພ້ອມນີ້ ໃຫ້ຕິດຕາມ ຂ່າວອາກາດ ຈາກກົມອຸຕຸນິຍົມ ແລະ ອຸທົກກະສາດ ເປັນປະຈຳ .[post_ad]
ກົມອຸຕຸນິຍົມ ເຕືອນພະຍຸໝູນເຂດຮ້ອນ
Reviewed by
makarow
on
4:35:00 AM
Rating:
5
