ເລ­ຂາ­ທິ­ການ​ໃຫຍ່​ຜູ້​ໃໝ່​ຂອງ ສປຊ ຮຽກ­ຮ້ອງ​ໃຫ້​ປີ 2017 ກາຍ­ເປັນ​ປີ​ສັນ­ຕິ­ພາບ

ໃນ​ຖະ­ແຫຼງ­ການ​ຕ້ອນ­ຮັບ​ປີ​ໃໝ່ 2017 ແລະ ຂີດ​ໝາຍ​ມື້​ທຳ​ອິດໃນ​ການ​ດຳ­ລົງ​ຕຳ­ແໜ່ງ​ເປັນ​ເລຂາ​ທິ​ການ​ໃຫຍ່​ອົງ­ການສະ­ຫະ​ປະຊາດ​ຊາດ (ສປຊ) ນັ້ນ ທ່ານ ອັນໂຕ​ນິ​ໂອ ກູ​ເຕີ​ເຣ​ສ ໄດ້​ປະ­ກາດ​ວ່າ ປີ 2017 ຈະ​ເປັນ​ປີ​ບຸ­ລິ­ມະ­ສິດ​ອັນດັບ​ຕົ້ນໃຫ້​ແກ່​ສັນ­ຕິ­ພາບ.
ໃນ​ຖະ­ແຫຼງ­ການ​ນັ້ນ ທ່ານ ກູ ເຕີ​ເຣ​ສ ໄດ້​ເລັ່ງ​ຊຸກ­ຍູ້​ໃຫ້​ປະ­ຊາຊົນ​ທົ່ວ​ໂລກ ຈົ່ງ​ຕັດ­ສິນ​ໃຈ​ຮ່ວມກັນ ​ຈັດ​ເອົາ​ສັນ­ຕິ­ພາບ​ໄວ້​ຢູ່​ອັນ​ດັບໜຶ່ງ ເຮັດ​ໃຫ້​ປີ 2017 ກາຍ­ເປັນ​ປີແຫ່ງ​ສັນ­ຕິ­ພາບ ທ່ານ ກູ​ເຕີ​ເຣ​ສ ຮຽກ­ຮ້ອງ​ໃຫ້​ພົນ­ລະ­ເມືອງ ລັດ​ຖະບານ ແລະ ຜູ້­ນຳ​ຂອງ​ປະ­ເທດ​ຕ່າງໆ ຈົ່ງ​ພະ­ຍາ­ຍາມເຮັດ​ໃຫ້​ປີ 2017 ກາຍ­ເປັນ​ປີ​ສັນ­ຕິ­ພາບ ຜ່ານ​ຜ່າ​ຄວາມ​ຂັດ​ແຍ່ງ​ກັນ.
ເມື່ອ​ເດືອນ​ຕຸ­ລາ ປີ 2016 ສະມັດ​ຊາ​ໃຫຍ່​ສະ­ຫະ​ປະ­ຊາ​ຊາດ ໄດ້ແຕ່ງ­ຕັ້ງ​ທ່ານ ກູ​ເຕີ​ເຣ​ສ ເປັນ​ເລຂາ​ທິ​ການ​ໃຫຍ່​ຄົນ­ທີ 9 ຂອງ ສປຊ ແລະ​ ທ່ານ​ໄດ້​ສາ­ບານ​ຕົວຮັບ​ຕຳ­ແໜ່ງ​ໃນ​ວັນ​ທີ 12 ທັນ­ວາ ປີ 2016 ແລະ​ ເລີ່ມ​ມີ​ອຳ­ນາດ​ແຕ່ວັນ​ທີ 1 ມັງ­ກອນ​ປີ 2017.