ຈັນທະບູລີ ສ້າງຄວາມເປັນລະບຽບດ້ານການເງິນ
ຫ້ອງການ
ການເງິນເມືອງຈັນທະບູລີ ຈັດກອງປະຊຸມແນະນຳການເດີນສຳຫຼວດ
ຍົກຖານລາຍຮັບສ່ວຍສາອາກອນປັບປຸງການຖືບັນຊີ ແລະ
ປະຕິບັດອາກອນມູນຄ່າເພີ່ມໃຫ້ແກ່ຫົວໜ່ວຍພື້ນຖານເສດຖະກິດຂອງເມືອງ
ໃນວັນທີ 6 ກຸມພາ 2017 ຢູ່ຫ້ອງວ່າການປົກຄອງ ນະຄອນຫຼວງວຽງຈັນ
ເຊິ່ງມີທ່ານ ສົມດີ ດວງດີ ຮອງນາຍົກລັດຖະມົນຕີ
ລັດຖະມົນຕີກະຊວງການເງິນໃຫ້ກຽດເຂົ້າຮ່ວມໂອ້ລົມ.ທ່ານ ແສງເພັດ ສາຍນໍລາດ ຫົວໜ້າຫ້ອງການການເງິນ ເມືອງຈັນທະບູລີ ໄດ້ລາຍງານໃຫ້ຮູ້ວ່າ: ການເກັບລາຍຮັບເຂົ້າງົບປະມານ ສະເພາະປີ 2015-2016 ເມືອງຈັນທະບູລີ ໄດ້ຮັບຕົວເລກມອບໝາຍຈາກນະຄອນຫຼວງວຽງຈັນ ຈຳນວນ 69,4 ຕື້ກີບ ສາມາດປະຕິບັດຕົວຈິງໄດ້ 60,04 ຕື້ກີບ ເທົ່າກັບ 86,41% ທຽບໃສ່ສົກປີຜ່ານມາ ປະຕິບັດໄດ້ເພີ່ມຂຶ້ນ 6,3% ເມືອງຈັນທະບູລີ ມີຫົວໜ່ວຍທຸລະກິດທັງໝົດ 5.592 ພື້ນຖານ ໃນນັ້ນ ກົມສ່ວຍສາກອນຄຸ້ມຄອງ 132 ພື້ນຖານ ພະແນກສ່ວຍສາອາກອນ ນວ 1.132 ພື້ນຖານ ເມືອງຄຸ້ມຄອງ 4.328 ພື້ນຖານ ໃນນັ້ນມີ 984 ພື້ນຖານ ບ້ານຄຸ້ມຄອງສຳລັບເປົ້າໝາຍແຜນການສຳຫຼວດ ທົ່ວເມືອງມີທັງໝົດ 406 ຫົວໜ່ວຍ ໃນນີ້ ປະກອບມີຂະແໜງການຜະລິດ 8 ພື້ນຖານ ຂະແໜງການຄ້າ 74 ພື້ນຖານ ແລະ ຂະແໜງການບໍລິການ 324 ພື້ນຖານ ເຊິ່ງມີຫົວໜ່ວຍທຸລະກິດໃຫຍ່ ມີລາຍຮັບເກີນ 400 ລ້ານກີບ ຈຳນວນ 60 ພື້ນຖານ ການເດີນສຳຫຼວດຮອບດ້ານມີ 30 ບ້ານ ພ້ອມນັ້ນຍັງໄດ້ສຳຫຼວດຂໍ້ມູນທີ່ດິນຈຳນວນ 1.064.668 ຕາແມັດ.
ໂອກາດນີ້ ທ່ານຮອງນາຍົກລັດຖະມົນຕີ ໄດ້ເນັ້ນໃຫ້ຫ້ອງການ ການເງິນເມືອງຈັນທະບູລີ ເປັນເຈົ້າການຢ່າງຕັ້ງໜ້າ ເຂົ້າໃນການຈັດຕັ້ງປະຕິບັດວຽກງານການສຳຫຼວດຄັ້ງນີ້ ໃຫ້ມີຄວາມຮັດກຸມ ຖືກຕ້ອງ ແລະ ຖືກເປົ້າໝາຍ ເພື່ອເຮັດໃຫ້ວຽກງານເກັບກຳ ແລະ ສຳຫຼວດຖານລາຍຮັບງົບປະມານໃນຂອບເຂດທົ່ວປະເທດ ມີຄວາມຖືກຕ້ອງສົມບູນ ສອດຄ່ອງກັບການຂະຫຍາຍຕົວທາງດ້ານເສດຖະກິດ-ສັງຄົມແທ້ຈິງ ຄຽງຄູ່ກັບການຍົກລາຍຮັບສ່ວຍສາອາກອນໃຫ້ມີຄວາມໂປ່ງໃສ ແລະ ທັນສະໄໝເປັນກ້າວໆ ເຊິ່ງພັກ-ລັດຖະບານ ໄດ້ເພີ່ມທະວີການຈັດຕັ້ງປະຕິບັດວຽກງານເກັບລາຍຮັບທົ່ວປະເທດ ໃຫ້ມີຄວາມຮັດກຸມ ໂດຍມີເປົ້າໝາຍສຳຄັນເພື່ອສ້າງຄວາມເປັນລະບຽບທາງດ້ານການເງິນ ການເກັບລາຍຮັບພາສີອາກອນຕ່າງໆ ໃຫ້ໄດ້ຕາມເປົ້າໝາຍວາງໄວ້ ເພື່ອນຳເອົາເງິນຈຳນວນດັ່ງກ່າວມາພັດທະນາປະເທດຊາດ ໃຫ້ມີຄວາມເຂັ້ມແຂງຮອບດ້ານ ແລະ ນຳພາປະເທດຫຼຸດພົ້ນອອກຈາກສະຖານະປະເທດດ້ອຍພັດທະນາ ໃນປີ 2020 ໃຫ້ປາສົບຜົນເປັນຈິງ. ຫນັງສືພິມວຽງຈັນໃໝ່)
ຈັນທະບູລີ ສ້າງຄວາມເປັນລະບຽບດ້ານການເງິນ
![]()
Reviewed by makarow
on
7:42:00 PM
Rating:
