ຣັດເຊຍ-ສ ອາເມຣິກາ ເຫັນດີແກ້ໄຂການພົວພັນລະຫວ່າງສອງຝ່າຍ
ວັງແກຣມແລັງ
ແຈ້ງໃຫ້ຮູ້ວ່າ ໃນການເຈລະຈາຜ່ານທາງໂທລະສັບ ແກ່ຍາວເປັນເວລາ 1
ຊົ່ວໂມງ ເມື່ອວັນທີ 28 ມັງກອນນັ້ນ ປະທານາທິບໍດີຣັດເຊຍ
ວາລາດີເມຍ ປູຕິນ ແລະ ປະທານາທິບໍດີ ສ ອາເມຣິກາ ໂດນາລ ທຣັມ
ໄດ້ເຫັນດີເປັນເອກະສັນກັນ ໃນການກັບມາສ້າງການພົວພັນແບບສອງຝ່າຍ
ລວມເຖິງການຮ່ວມມືຢູ່ໃນຊີຣີ.ຖະແຫຼງການຂອງວັງແກຣມແລັງ ເວົ້າວ່າ ໃນການເຈລະຈາຜ່ານທາງໂທລະສັບເປັນເທື່ອທຳອິດ ລະຫວ່າງຜູ້ນຳທັງສອງ ນັບແຕ່ທ່ານ ທຣັມ ເຂົ້າຮັບຕຳແໜ່ງເປັນຕົ້ນມານັ້ນ “ສອງຝ່າຍໄດ້ສະແດງອອກເຖິງຄວາມພ້ອມໃນການປະສານຄວາມເປັນເຈົ້າການ ເພື່ອໃຫ້ການຮ່ວມມືລະຫວ່າງ ຣັດເຊຍ-ສ ອາເມຣິກາ ມີຄວາມໝັ້ນຄົງ ແລະ ພັດທະນາ”.
ໃນຂະນະດຽວກັນ ທຳນຽບຂາວ ກໍ່ມີຖະແຫຼງການສັ້ນໆອອກມາໃຫ້ຮູ້ວ່າ ຜູ້ນຳທັງສອງໄດ້ປຶກສາຫາລືກ່ຽວກັບການປະສານງານ ເພື່ອຕໍ່ຕ້ານກັບກຸມລັດອິສລາມ (IS) ແລະ ການບັນລຸສັນຕິພາບຢູ່ໃນຊີຣີ.
ອີກດ້ານໜຶ່ງ ໃນຖະແຫຼງການຮ່ວມທີ່ມີອອກມາຫຼັງການເຈລະຈາຜ່ານທາງໂທລະສັບ ເມື່ອວັນທີ 28 ມັງກອນນັ້ນ ນາຍົກລັດຖະມົນຕີເຢຍລະມັນ ແລະ ປະທານາທິບໍດີ ທຣັມ ໄດ້ເນັ້ນໜັກເຖິງຄວາມສຳຄັນຂອງອົງການສົນທິສັນຍາປ້ອງກັນອັດລັງຕິກເໜືອ (NATO) ພ້ອມກັນນັ້ນກໍ່ໃຫ້ສັນຍາເຖິງການສົມທົບກັນຢ່າງແໜ້ນແຟ້ນກວ່າເກົ່າ ເພື່ອຕ້ານກັບການກໍ່ການຮ້າຍ.
ຣັດເຊຍ-ສ ອາເມຣິກາ ເຫັນດີແກ້ໄຂການພົວພັນລະຫວ່າງສອງຝ່າຍ
![]()
Reviewed by makarow
on
5:22:00 PM
Rating:
