ປະທານປະເທດ ຕ້ອນຮັບ ຄະນະຜູ້ແທນຂັ້ນສູງຫວຽດນາມ

    ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ໄດ້ໃຫ້ກຽດຕ້ອນຮັບ ຄະນະຜູ້ແທນຂັ້ນສູງສູນກາງແນວໂຮມປະເທດຊາດຫວຽດນາມ ຊຶ່ງນຳໂດຍ ທ່ານ ເຈິນ ແທັງ ເມິນ ກຳມະການສູນກາງພັກກອມມູນິດຫວຽດນາມ ປະທານແນວໂຮມປະເທດ ຊາດຫວຽດນາມ ເມື່ອວັນທີ 10 ສິງຫາຜ່ານມານີ້ ທີ່ຫ້ອງວ່າ ການສູນກາງພັກ ໃນໂອກາດ ທີ່ຄະນະຜູ້ແທນດັ່ງກ່າວເດີນ ທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ. ໂອກາດນີ້ ທ່ານ ບຸນຍັງ ວໍລະຈິດ ໄດ້ຕີລາຄາສູງຕໍ່ການ ມາຢ້ຽມຢາມຂອງທ່ານ ເຈິນ ແທັງເມິນ ພ້ອມຄະນະ ຊຶ່ງເປັນ ການເພີ່ມພູນຄູນສ້າງສາຍພົວ ພັນມິດຕະພາບອັນຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດກໍຄືປະຊາ ຊົນສອງຊາດລາວ-ຫວຽດນາມ ໃຫ້ນັບມື້ເຕີບໃຫຍ່ຂະຫຍາຍ ຕົວຢ່າງບໍ່ຢຸດຢັ້ງ. ສອງພັກ- ສອງລັດຂອງພວກເຮົາທີ່ມີ ມູນເຊື້ອການຮ່ວມມືມາຍາວ ນານທັງຍັງຢູ່ໃນທ່າມກາງບັນ ຍາກາດທີ່ສອງປະເທດພວກ ເຮົາໄດ້ຮ່ວມກັນສະເຫຼີມສະ ຫຼອງ 2 ວັນປະຫວັດສາດ ລາວ-ຫວຽດນາມ ໃນປີ 2017.

ທ່ານ ເຈິນແທັງເມິນ ໄດ້ ສະແດງຄວາມຂອບໃຈຕໍ່ການ ຕ້ອນຮັບອັນອົບອຸ່ນໃນຄັ້ງນີ້ ຂອງທ່ານ ບຸນຍັງ ວໍລະຈິດ ພ້ອມທັງລາຍງານໃຫ້ທ່ານເລ ຂາທິການໃຫຍ່ຊາບເຖິງຈຸດ ປະສົງໃນການມາຢ້ຽມຢາມໃນ ຄັ້ງນີ້ ແລະ ຍັງໄດ້ແຈ້ງສະພາບ ລວມຜົນງານທີ່ພົ້ນເດັ່ນຂອງ ຫວຽດນາມບໍ່ວ່າຈະເປັນວຽກ ງານການສຶກສາ, ເສດຖະກິດ, ວັດທະນະທຳ-ສັງຄົມ ແລະ ວຽກງານອື່ນໆ ໂດຍສະເພາະ ແມ່ນພົວພັນຮ່ວມມື ແລະ ເຮັດວຽກລະຫວ່າງແນວໂຮມ ປະເທດຊາດຫວຽດນາມ ແລະ ສູນກາງແນວລາວສ້າງຊາດບໍ່ ວ່າຈະເປັນການແລກປ່ຽນ ຄະນະຜູ້ແທນຂັ້ນສູງຂອງທັງ ສອງຝ່າຍ, ກອງປະຊຸມ ແລະ ຝຶກອົບຮົມວຽກງານຕ່າງໆໃຫ້ ກັນ ແລະ ກັນດຳເນີນເປັນປົກ ກະຕິໃນແຕ່ລະປີ. ໃນໂອກາດດຽວກັນນີ້, ໃນວັນທີ 11 ສິງຫາຜ່ານມານີ້ ທ່ານ ເຈິນແທັງເມິນ ພ້ອມຄະ ນະຍັງໄດ້ເຂົ້າຢ້ຽມຂ່ຳນັບທ່ານ ນາງ ປານີ ຢາທໍ່ຕູ້ ກຳມະການ ກົມການເມືອງສູນກາງພັກປະ ທານສະພາແຫ່ງຊາດ ທີ່ສະ ພາແຫ່ງຊາດ ແລະ ເຂົ້າຢ້ຽມ ຂ່ຳນັບທ່ານ ໄຊສົມພອນ ພົມ ວິຫານ ກຳມະການກົມການ ເມືອງ ສູນ ກາງ ພັກ ປະທານສູນ ກາງແນວລາວສ້າງຊາດ ທີ່ສູນ ກາງແນວລາວສ້າງຊາດຕື່ມ ອີກ.