10 ອັນ​ດັບ​ທີມ​ເຕະ­ບານ​ມູນ​ຄ່າ​ສູງ​ສຸດ​ໂລກ

Transfer Market ສື່​ດ້ານ​ເຕະ­ບານ ເປິດ​ເຜີຍ​ມູນ​ຄ່າ​ຂອງ​ທີມ​ເຕະ­ບານ​ທົ່ວ​ໂລກ ໂດຍ ຣິວ ມາດ​ຣິດ ໄດ້​ອັນ​ດັບ 1 ແລະ ບາ​ເຊ​ໂລ​ນ່າ ຕາມ​ມາ​ຕິດໆ​ເປັນ​ທີ 2 ຂະ­ນະ​ທີ່ ແມນຯ ຢູ​ໄນ​ເຕັດ ຢູ່​ອັນ​ດັບ 8.
ຣິວ ມາດ​ຣິດ ສະ­ໂມ­ສອນ​ຍິ່ງ​ໃຫຍ່​ແຫ່ງ​ວົງ​ການ ລາ ລີ​ກາ ແອັດ​ສະ​ປາຍ ເປັນ​ທີມ​ເຕະ­ບານ​ທີ່​ມີ​ມູນ​ຄ່າ​ສູງ​ສຸດ​ຂອງ​ໂລກ​ປະ­ຈຳ​ປີ 2016 ຈາກ​ການ​ມີ​ມູນ​ຄ່າ 665,81 ລ້ານ​ປອນ ຕາມ​ການ​ຈັດ​ອັນ​ດັບ​ຂອງ Transfer Market ສື່​ດ້ານ​ເຕະ­ບານ.
ອັນ​ດັບ 2 ໄດ້­ແກ່ ບາ​ເຊ​ໂລ​ນ່າ ເຊິ່ງ​ມີ​ມູນ​ຄ່າ​ຢູ່​ທີ່ 655,78 ລ້ານ​ປອນ ໂດຍ​ທີ່ ບາ​ເຢິນ ມິວ​ນິກ ຕາມ​ມາ​ເປັນ​ອັນ​ດັບ 3 ຈາກ​ການ​ມີ​ມູນ​ຄ່າ 488,50 ລ້ານ​ປອນ.
ທັ້ງ​ນີ້ ເຊວ​ຊີ ໄດ້​ອັນ​ດັບ 4 ໄປ​ຄອງ ຈາກ​ການ​ມີ​ມູນ​ຄ່າ 475,62 ລ້ານ​ປອນ ໂດຍ​ທີ່​ອັນ​ດັບ 5 ໄດ້­ແກ່ ແມນ​ເຊ​ສ​ເຕີ ຊິ​ຕີ ເຊິ່ງ​ມີ​ມູນ​ຄ່າ 460,28 ລ້ານ​ປອນ.
ສະ­ຫຼຸບ​ສະ­ໂມ­ສອນ​ເຕະ­ບານ​ທີ່​ມີ​ມູນ​ຄ່າ​ສູງ​ທີ່​ສຸດ​ຂອງ​ໂລກ 10 ອັນ​ດັບ​ຕາມ​ການ​ຈັດ​ອັນ​ດັບ​ຂອງ Transfer Market.
1. ຣິວ ມາດ​ຣິດ (ແອັດ​ສະ​ປາຍ) 665,81 ລ້ານ​ປອນ
2. ບາ​ເຊ​ໂລ​ນ່າ (ແອັດ​ສະ​ປາຍ) 655,78 ລ້ານ​ປອນ  
3. ບາ​ເຢິນ ມິວ​ນິກ (ເຢຍ​ລະ​ມັນ) 488,50 ລ້ານ​ປອນ
4. ເຊວ​ຊີ (ອັງ­ກິດ) 475,62 ລ້ານ​ປອນ
5. ແມນ​ເຊ​ສ​ເຕີ ຊິ​ຕີ (ອັງ­ກິດ) 460,28 ລ້ານ​ປອນ  
6. ແອດ​ເລ​ຕິ​ໂກ ມາດ​ຣິດ (ແອັດ​ສະ​ປາຍ) 445,23 ລ້ານ​ປອນ  
7. ອາ​ເຊ​ນ່ອນ (ອັງ­ກິດ) 419,43 ລ້ານ​ປອນ  
8. ແມນ​ເຊ​ສ​ເຕີ ຢູ​ໄນ​ເຕັດ (ອັງ­ກິດ) 398,86 ລ້ານ​ປອນ  
9. ປາ​ຣີ​ສ ແຊງ-ແຊກ​ແມງ (ຝຣັ່ງ) 379,99 ລ້ານ​ປອນ ແລະ  
10. ຢູ​ເວນ​ຕຸ​ສ (ອິ​ຕາ​ລີ) 378,25 ລ້ານ​ປອນ
[post_ad]