ສະຫະປະຊາຊາດ ເຊີນລັດຖະບານຊີຣີ ເຂົ້າຮ່ວມການເຈລະຈາຮອບໃໝ່ຢ່າງເປັນທາງການ
ທ່ານ ຣາມຊີ ເອສເຊລດິນ ຮອງທູດພິເສດຂອງອົງການສະຫະປະຊາຊາດ (ສປຊ) ກ່ຽວກັບຊີຣີ ໄດ້ເຊື້ອເຊີນຢ່າງເປັນທາງການໄປຍັງລັດຖະບານຊີຣີ ເມື່ອວັນທີ 31 ກໍລະກົດທີ່ຜ່ານມາ ໃນການເຂົ້າຮ່ວມການເຈລະຈາສັນຕິພາບຮອບໃໝ່ກັບກອງກຳລັງຝ່າຍຄ້ານ ທີ່ຄາດວ່າຈະມີຂຶ້ນໃນເດືອນສິງຫານີ້.
ທ່ານ ຣາມຊີ ເວົ້າວ່າ ທ່ານ ໄດ້ໃຫ້ຄຳອະທິບາຍ ແລະ ປຶກສາຫາລືກັບກັບລັດຖະມົນຕີການຕ່າງປະເທດຊີຣີ ວາລິດ ມູອາລເລມ ກ່ຽວກັບແຜນການເຊື່ອມຕໍ່ການເຈລະຈາ ຂະບວນການຂ້າມຜ່ານທາງດ້ານການເມືອງ ຊຶ່ງສະພາຄວາມໝັ້ນຄົງ ສປຊ ໄດ້ໃຫ້ຄວາມເຫັນພ້ອມ ທ່ານ ຣາມຊີ ກໍ່ເວົ້າວ່າ ລັດຖະມົນຕີການຕ່າງປະເທດຊີຣີ ໄດ້ຢືນຢັນວ່າ ລັດຖະບານຊີຣີ ມີຈຸດປະສົງເຂົ້າຮ່ວມການເຈລະຈາສັນຕິພາບ ຖ້າຫາກວ່າມີການຈັດຂຶ້ນ.
ຂະບວນການສັນຕິພາບໃນຊີຣີ ທີ່ໄດ້ຮັບການສະໜັບສະໜູນຈາກ ສປຊ ນັ້ນ ໄດ້ຮຽກຮ້ອງໃຫ້ສ້າງຕັ້ງລັດຖະບານຂ້າມຜ່ານຮ່າງລັດຖະທຳມະນູນໃໝ່ ແລະ ດຳເນີນການເລືອກຕັ້ງຢູ່ໃນຊີຣີ ກ່ອນກາງປີ 2017 ແຕ່ເຖິງຢ່າງໃດກໍ່ຕາມ ຄວາມຂັດແຍ່ງຢູ່ໃນການເຈລະຈາສັນຕິພາບກ່ຽວກັບຊີຣີ ທີ່ໃຫ້ການອຸປະຖຳໂດຍ ສປຊ ນັ້ນ ກໍ່ຄືອະນາຄົດທາງດ້ານການເມືອງຂອງປະທານາທິບໍດີ ບາຊາ ອາລ ອັສຊັດ.[post_ad]
ສະຫະປະຊາຊາດ ເຊີນລັດຖະບານຊີຣີ ເຂົ້າຮ່ວມການເຈລະຈາຮອບໃໝ່ຢ່າງເປັນທາງການ
Reviewed by makarow
on
2:02:00 AM
Rating:
Reviewed by makarow
on
2:02:00 AM
Rating:
