ລາວ-ມົງໂກລີ ຮ່ວມກັນສ້າງເງື່ອນໄຂອຳນວຍຄວາມສະດວກ
ວັນທີ
26 ທັນວາ 2016 ທີ່ກະຊວງການຕ່າງປະເທດ
ໄດ້ມີພິທີເຊັນສັນຍາວ່າດ້ວຍການນຳໃຊ້ທີ່ດິນ ແລະ ອາຄານ
ເປັນສຳນັກງານການທູດຂອງສອງຝ່າຍ ລະຫວ່າງລັດຖະບານແຫ່ງ ສປປ ລາວ ແລະ
ລັດຖະບານແຫ່ງ ມົງໂກລີ ຊຶ່ງຕາງໜ້າລັດຖະບານລາວລົງນາມແມ່ນທ່ານ
ແສງເພັດ ຮຸ່ງບຸນຍວງ ຮອງລັດຖະມົນຕີກະຊວງການຕ່າງປະເທດ ແລະ
ຕາງໜ້າຈາກລັດຖະບານມົງໂກລີ ແມ່ນທ່ານ ລໍດອຍດຳ ບາການຣັກ
ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ມົງໂກລີ ປະຈຳ ສປປ
ລາວ ໂດຍມີພະນັກງານທັງສອງຝ່າຍທີ່ກ່ຽວຂ້ອງ ເຂົ້າຮ່ວມເປັນພະຍານ.ການຮ່ວມລົງນາມສັນຍາຄັ້ງນີ້ ແມ່ນເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ສຳນັກງານການທູດໃນດິນແດນຂອງກັນ ແລະ ກັນ ໃນການປະຕິບັດໜ້າທີ່ວຽກງານຂອງພະນັກງານທີ່ປະຈຳຢູ່ສະຖານທູດ ໃຫ້ມີປະສິດທິພາບໃນການເຮັດວຽກງານ ທັງນີ້ ເພື່ອເປັນການເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ ລາວ-ມົງໂກລີ ໃຫ້ແໜ້ນແຟ້ນຍິ່ງຂຶ້ນ ບົນພື້ນຖານຜົນປະໂຫຍດຮ່ວມກັນ ແລະ ປາຖະໜາທີ່ຈະສະໜອງເງື່ອນໄຂອັນເອື້ອອຳນວຍຄວາມສະດວກ ໃຫ້ແກ່ສຳນັກງານການທູດຂອງຕົນໃນດິນແດນຂອງກັນ ແລະ ກັນ ແລະ ທັງເປັນການຮັດແໜ້ນສາຍພົວພັນການທູດລະຫວ່າງ ສປປ ລາວ ແລະ ມົງໂກລີ ໃຫ້ແໜ້ນແຟ້ນຍິ່ງໆຂຶ້ນກວ່າເກົ່າ.
ລາວ-ມົງໂກລີ ຮ່ວມກັນສ້າງເງື່ອນໄຂອຳນວຍຄວາມສະດວກ
![]()
Reviewed by makarow
on
6:50:00 PM
Rating:
