ສະມາຄົມເຟີນີເຈີ ຕ້ອງສືບຕໍ່ພັດທະນາຜະລິດຕະພັນໃຫ້ມີຄຸນະພາບ
ທ່ານ ຄຳໄພ ສົມຊະນະ ປະທານສະມາຄົມເຟີນີເຈີລາວ (ສຟລ) ໄດ້ສະແດງຄວາມຮູ້ສຶກດີໃຈ ທີ່ໄດ້ຕ້ອນຮັບການມາຢ້ຽມຢາມຂອງທ່ານນາຍົກລັດຖະມົນຕີ ຖືວ່າເປັນການໃຫ້ກຳລັງໃຈແກ່ຫົວໜ່ວຍທຸລະກິດ ໃຫ້ມີການຜະລິດສິນຄ້າອອກຮັບໃຊ້ຕະຫຼາດພາຍໃນ ແລະ ຕ່າງປະເທດ ບົນພື້ນຖານເຄົາລົບລະບຽບກົດໝາຍ ໂດຍສະເພາະ ຄຳສັ່ງເລກທີ 15/ນຍ ສະນັ້ນ ຕ້ອງມີການປຸງແຕ່ງເພື່ອສ້າງມູນຄ່າເພີ່ມໃຫ້ວັດຖຸດິບກ່ອນການສົ່ງອອກ ເພື່ອເຮັດໃຫ້ການປະຕິບັດຄຳສັ່ງດັ່ງກ່າວມີປະສິດທິຜົນ ແລະ ປະກອບສ່ວນພັດທະນາເສດຖະກິດ-ສັງຄົມຂອງຊາດຢ່າງແທ້ຈິງ ຜ່ານການຈັດງານຄັ້ງນີ້ ພວກເຮົາໄດ້ມີຜົນສຳເລັດຫຼາຍດ້ານ ໂດຍສະເພາະ ຄວາມເປັນລະບຽບຮຽບຮ້ອຍຂອງບັນດາຫ້າງຮ້ານ ສີມືການອອກແບບຜະລິດຕະພັນ ແມ່ນມີການພັດທະນາສີມືຂຶ້ນໄປເລື້ອຍໆ ທຽບໃສ່ການຈັດງານຄັ້ງຜ່ານມາ.
ຜ່ານການຢ້ຽມຢາມຄັ້ງນີ້ ທ່ານນາຍົກລັດຖະມົນຕີ ໄດ້ສະແດງຄວາມຊົມເຊີຍຕໍ່ ສຟລ ກໍ່ຄືຫົວໜ່ວຍທຸລະກິດເຟີນີເຈີ ທີ່ສາມາດຜະລິດເຟີນີເຈີໄດ້ຫຼາຍຮູບ ແລະ ມີການພັດທະນາສີມືຂຶ້ນຢ່າງບໍ່ຢຸດຢັ້ງ ເຊິ່ງສາມາດຮອງຮັບຄວາມຮຽກຮ້ອງຕ້ອງການຂອງຕະຫຼາດພາຍໃນ ແລະ ຕ່າງປະເທດເປັນຢ່າງດີ ພ້ອມນີ້ ທ່ານຍັງໄດ້ເນັ້ນໃຫ້ ສຟລ ສືບຕໍ່ເອົາໃຈໃສ່ພັດທະນາຕົນເອງຂຶ້ນໄປເລື້ອຍໆ ໂດຍສະເພາະ ຜະລິດຕະພັນການຕະຫຼາດ ແລະ ດ້ານອື່ນໆ ເພື່ອຮອງຮັບຄວາມຕ້ອງການຂອງລູກຄ້າ ສາມາດແຂ່ງຂັນໃນພາກພື້ນ ແລະ ສາກົນ ບົນພື້ນຖານການປະຕິບັດລະບຽບກົດໝາຍຢ່າງເຂັ້ມງວດ.
ສະມາຄົມເຟີນີເຈີ ຕ້ອງສືບຕໍ່ພັດທະນາຜະລິດຕະພັນໃຫ້ມີຄຸນະພາບ
Reviewed by makarow
on
7:14:00 PM
Rating:
Reviewed by makarow
on
7:14:00 PM
Rating:
