ຍຂທ ເລັ່ງຈັດສັນຄວາມເປັນລະບຽບຕາມເສັ້ນທາງ ຮອງຮັບເຈົ້າພາບກອງປະຊຸມສຳຄັນ
ພະແນກໂຍທາທິການ
ແລະ ຂົນສົ່ງ ນະຄອນຫຼວງວຽງຈັນ ໄດ້ປະສານສົມທົບກັບພາກສ່ວນກ່ຽວຂ້ອງ
ໂດຍສະເພາະແມ່ນໜ່ວຍງານຕຳຫຼວດຈະລາຈອນ ແລະ ຫ້ອງການ ຍທຂ 6 ເມືອງ
ຈັດຕັ້ງປະຕິບັດວຽກງານຈັດສັນຄວາມເປັນລະບຽບຮຽບຮ້ອຍຕາມເສັ້ນທາງສາຍສຳຄັນ
ເພື່ອຮອງຮັບການເປັນເຈົ້າພາບເຈົ້າໜ້າທີ່ອາວຸໂສດ້ານການທ່ອງທ່ຽວ
ແລະ ກອງປະຊຸມສຸດຍອດນະຄອນປະເທດລຸ່ມແມ່ນ້ຳຂອງ
ທີ່ຈະຈັດຂຶ້ນຢູ່ນະຄອນຫຼວງວຽງຈັນ ໃນປີ 2018.ວັນທີ 4 ພຶດສະພາ 2017 ຢູ່ທີ່ພະແນກໂຍທາທິການ ແລະ ຂົນສົ່ງ ທ່ານ ບຸນຈັນ ແກ້ວສີທຳມະ ຮອງຫົວໜ້າພະແນກ ຍທຂ ນະຄອນຫຼວງ ໄດ້ຮ່ວມຫາລືກັບພາກສ່ວນກ່ຽວຂ້ອງ ເພື່ອພ້ອມກັນກຳນົດແຜນວຽກ ການຈັດຕັ້ງປະຕິບັດວຽກງານຈັດສັນຄວາມເປັນລະບຽບຢູ່ຕາມ 21 ເສັ້ນທາງສາຍຫຼັກຂອງ 6 ເມືອງ ຢູ່ນະຄອນຫຼວງວຽງຈັນ ປະກອບມີເສັ້ນທາງສາຍສຳຄັນຢູ່ເມືອງສີໂຄດຕະບອງ ສີສັດຕະນາກ ຈັນທະບູລີ ໄຊເຊດຖາ ຫາດຊາຍຟອງ ແລະ ເມືອງໄຊທານີ ໂດຍການຫາລືຄັ້ງນີ້ ໄດ້ລົງເລິກເຂົ້າໃນການແກ້ໄຂບັນຫາການຂາຍເຄື່ອງຕາມແຄມທາງ ການຕໍ່ເທີບເງີບທີ່ບໍ່ຖືກຕ້ອງ ບັນຫາເລື່ອງປ້າຍໂຄສະນາທີ່ຜິດທັງຕົວໜັງສື ແລະ ສະຖານທີ່ຕັ້ງ ພ້ອມກັບບັນຫາການສັນຈອນ ໂດຍສະເພາະແມ່ນການຈອດລົດບໍ່ເປັນລະບຽບ ຈອດລົດຕາມທາງຄົນຍ່າງ.
ຍຂທ ເລັ່ງຈັດສັນຄວາມເປັນລະບຽບຕາມເສັ້ນທາງ ຮອງຮັບເຈົ້າພາບກອງປະຊຸມສຳຄັນ
![]()
Reviewed by makarow
on
6:30:00 PM
Rating:
