ຄະນະກວດກາສູນກາງ ພັກ, ອົງການກວດກາລັດຖະ ບານ ໄດ້ອັດກອງປະຊຸມຝຶກ
ອົບຮົມວຽກງານກວດກາໃຫ້ ພະນັກງານ-ວິຊາການ ແລະ ພະນັກງານ 95% ຂຶ້ນ ໃນວັນ ທີ 5
ພຶດສະພາຜ່ານມານີ້ ທີ່ ສະໂມສອນຄະນະກວດກາ ສູນກາງພັກ (ຫຼັກ 6) ໂດຍໃຫ້
ກຽດເປັນປະທານຂອງສະຫາຍ ດາວບົວລະພາ ບາວົງເພັດ ຮອງປະທານຄະນະກວດກາ ສູນກາງພັກ,
ມີພາກສ່ວນກ່ຽວ ຂ້ອງເຂົ້າຮ່ວມ.
ກອງປະຊຸມຝຶກອົບຮົມ ຄັ້ງນີ້ ໄດ້ດຳເນີນເປັນເວລາ 10 ວັນ (ນັບແຕ່ວັນທີ 24 ເມສາ-
5 ພຶດສະພາ 2017) ຊຶ່ງໄດ້ຮ່ຳ ຮຽນບົດຮຽນຈຳນວນ 12 ບົດ
ທີ່ເປັນພື້ນຖານກ່ຽວກັບວຽກ ງານຕິດຕາມ-ກວດກາ, ວຽກ ງານຕ້ານການສໍ້ລາດບັງຫຼວງ,
ວຽກງານແກ້ໄຂຄຳຮ້ອງຟ້ອງ, ຮ້ອງທຸກ ແລະ ຄຳສະເໜີ ແລະ ນິຕິກຳອື່ນໆທີ່ກ່ຽວຂ້ອງ.
ນອກ ນັ້ນ ຍັງໄດ້ປະກອບຄຳເຫັນ, ແລກປ່ຽນບົດຮຽນນຳຄູ-ອາ ຈານ ແລະ ນັກສຳມະນາກອນ
ດ້ວຍກັນ, ເຮັດໃຫ້ມີເນື້ອໃນ ແລະ ມີບັນຍາກາດດີ. ຜ່ານ ການຝຶກອົບຮົມວຽກງານກວດ
ກາຄັ້ງນີ້ ນັກສຳມະນາກອນ ສາມາດຍົກລະດັບຄວາມຮູ້- ຄວາມສາມາດທາງດ້ານທິດ ສະດີ
ແລະ ບົດຮຽນຈາກພຶດຕິ ກຳຕົວຈິງ ກ່ຽວກັບວຽກງານ ກວດກາຈຳນວນໜຶ່ງ, ຜ່ານ
ການຝຶກອົບຮົມປະເມີນຜົນໄດ້ ວ່ານັກສຳມະນາກອນເຂົ້າໃຈ ໃນລະດັບດີ ແລະ ມອບໃບຢັ້ງ
ຢືນໃຫ້ແກ່ນັກສຳມະນາກອນ ຜູ້ທີ່ສຳເລັດການເຂົ້າຝຶກອົບຮົມ ຄັ້ງນີ້ທັງໝົດ 52
ສະຫາຍ, ຍິງ 21 ສະຫາຍ.
(ຂ່າວ: ສີອາມອນ, ພາບ: ພູວຽງຄຳ)
ໜັງສືພິມປະຊາຊົນ:
