Verizon ຈັດຊື້ເອົາກິດ­ຈະ­ການຂອງ Yahoo ໃນມູນຄ່າ 4,8 ຕື້ໂດລາ

 ໃນອາ­ທິດທີ່ຜ່ານມາ Verizon ຊຶ່ງເປັນເຄືອຂ່າຍໂທລະຄົມມະນາຄົມໃຫຍ່ສຸດໃນ ສ ອາເມຣິກາ ໄດ້ປະ­ກາດຢ່າງເປັນທາງການ ເຖິງກໍ­ລະ­ນີການຈັດຊື້ເອົາກິດຈະການຂອງ Yahoo ໃນມູນຄ່າ 4,83 ຕື້ໂດລາສະ­ຫະ­ລັດ ການຊື້ຂາຍດັ່ງ­ກ່າວປະ­ກອບດ້ວຍ ພາກການໂຄ­ສະ­ນາ ເນື້ອໃນການ­ເຄື່ອນ­ໄຫວທຸ­ລະກິດເຄື່ອນທີ່. ລໍແວລ ແມັກອາດາມ ປະ­ທານທັງເປັນຜູ້­ອຳ­ນວຍ­ການຝ່າຍບໍລິຫານຂອງ Verizon ເວົ້າວ່າ: ການຈັດຊື້ເອົາ Yahoo ຈະເຮັດໃຫ້ Verizon ຢູ່ໃນທີ່ຕັ້ງແກ້ງແຍ່ງສູງ ຄືກັບວ່າເປັນບໍ­ລິ­ສັດການສື່­ສານເຄື່ອນທີ່ຊັ້ນນຳຂອງທົ່ວໂລກ ແລະ ຊ່ວຍຊຸກ­ຍູ້ລາຍຮັບຂອງ Verizon ໃນຂົງ­ເຂດການໂຄ­ສະ­ນາດ້ານເຕັກ­ນິກດີຈີຕາລ. ຫຸ້ນສ່ວນຂອງ Yahoo ຢູ່ໃນ Alibaba ແລະ Yahoo ໃນຍີ່­ປຸ່ນ ຈະບໍ່ລວມຢູ່ໃນສັນ­ຍາການຊື້ຂາຍ-ລວມຕົວນັ້ນ Yahoo ມີຫຸ້ນສ່ວນ 15% ຢູ່ໃນ Alibaba ຫຼື ມີມູນຄ່າເທົ່າກັບ 31,2 ຕື້ໂດລາສະ­ຫະ­ລັດ ແລະ ມີຫຸ້ນສ່ວນ 34% ຢູ່ໃນ Yahoo ໃນຍີ່­ປຸ່ນ ຫຼື ມີມູນຄ່າເທົ່າກັບ 8,3 ຕື້ໂດລາສະ­ຫະ­ລັດ. ລາຍ­ການປະ­ດິດຄິດແຕ່ງຂອງ Yahoo ທີ່ມີມູນຄ່າປະ­ມານ 1 ຕື້ໂດລາສະ­ຫະ­ລັດ ບໍ່ໄດ້ນອນຢູ່ໃນສັນ­ຍາຊື້ຂາຍດັ່ງ­ກ່າວ ໃນຂະ­ນະດຽວກັນ ສຳ­ນັກ­ງານຂອງ Yahoo ຢູ່ໃນ Sunnyvale ພັດນອນຢູ່ໃນສັນ­ຍາຊື້ຂາຍນັ້ນ. Yahoo ໄດ້ຮັບການສ້າງ­ຕັ້ງເມື່ອປີ 1994 ແລະ ໄດ້ກາຍ­ເປັນໜຶ່ງໃນບັນ­ດາຜູ້ສະ­ໜອງການບໍລິການອິນເຕີເນັດ (Internet) ອັນດັບຕົ້ນໆ ຊ່ວຍໃຫ້ຜູ້ບໍ­ລິ­ໂພກເຂົ້າຫາໂລກຂອງໜ້າເວບໄຊໃນຍຸກທີ່ເປີດຕົວໃໝ່ ຊະຕາກຳຂອງ Yahoo ເລີ່ມຄ່ອຍໆມືດມົນໃນທົດສະວັດທີ່ຜ່ານມາ ເມື່ອບັນ­ດາຂູ່ແຂ່ງທີ່ໜຸ່ມນ້ອຍກວ່າ ເຊັ່ນ: Google ແລະ Facebook ດຶງດູດຜູ້ບໍ­ລິ­ໂພກ ແລະ ຜູ້ໃຫ້­ການໂຄ­ສະ­ນາໄດ້ຈຳ­ນວນຫຼາຍ.[post_ad]