ແກ້ໄຂການຂາຍເຄື່ອງຊະຊາຍຕາມເສັ້ນທາງ
ວັນທີ
16 ມັງກອນ 2017 ທ່ານ ທະວີໄຊ ໄຊປະເສີດ ຫົວໜ້າຫ້ອງການໂຍທາທິການ ແລະ
ຂົນສົ່ງ ເມືອງໄຊເຊດຖາ ນະຄອນຫຼວງວຽງຈັນ
ຕາງໜ້າຄະນະຈັດສັນຄວາມເປັນລະບຽບຮຽບຮ້ອຍ ພ້ອມດ້ວຍຄະນະ
ໄດ້ສົມທົບກັບຫ້ອງການສາທາລະນະສຸກເມືອງໄຊເຊດຖາ
ນຳເອົາຖັງນ້ຳໄປກັ້ນຕາມແຄມເສັ້ນທາງຫົວຂົວເບື້ອງຂວາຕໍ່ໜ້າໂຮງໝໍເມືອງໄຊເຊດຖາ
ເພື່ອບໍ່ໃຫ້ຊາວຄ້າຂາຍຈອດລົດຂາຍເຄື່ອງຊະຊາຍຢູ່ຈຸດດັ່ງກ່າວ
ທີ່ສ້າງຄວາມບໍ່ເປັນລະບຽບຮຽບຮ້ອຍ ບໍ່ຈົບງາມ ແລະ
ເຮັດໃຫ້ການສັນຈອນແອອັດຍ້ອນການຈອດລົດ-ລໍ້ຂາຍໝາກໄມ້ ແລະ
ລົດຂອງຜູ້ທີ່ຊື້ເຄື່ອງ.ທ່ານ ທະວີໄຊ ໄຊປະເສີດ ໄດ້ກ່າວວ່າ: ການນຳເອົາຖັງນ້ຳມາກັ້ນໄວ້ຊົ່ວຄາວ ເປັນການທົດລອງໄລຍະສັ້ນ ເພາະຜ່ານມາ ທາງຫ້ອງການ ຍທຂ ໄດ້ຮັບແຈ້ງຈາກຫ້ອງການສາທາລະນະສຸກເມືອງ ທີ່ຕິດກັບເສັ້ນທາງຫົວຂົວ-ນາຄວາຍ ໄດ້ມີຊາວຄ້າຂາຍຈຳນວນໜຶ່ງໄດ້ມາຈອດລົດຂາຍເຄື່ອງໝົດມື້ ເຮັດໃຫ້ກີດຂວາງການສັນຈອນ ທາງຫ້ອງການ ຍທຂ ໄດ້ລົງໄປຕັກເຕືອນ ແລະ ເຮັດບົດທຶກກັບຊາວຄ້າຂາຍຫຼາຍຄັ້ງ ແຕ່ກໍ່ຍັງເກີດມີສະພາບຄືເກົ່າ ດັ່ງນັ້ນ ຈຶ່ງຮຽກຮ້ອງມາຍັງທຸກພາກສ່ວນໃຫ້ຄວາມຮ່ວມມືນຳກັນ ເພື່ອຄວາມເປັນລະບຽບຮຽບຮ້ອຍ ນອກຈາກນີ້ ໃນຜ່ານມາ ທາງ ຍທຂ ຍັງໄດ້ລົງຕິດຕາມທົ່ວເມືອງອາທິດລະ 2 ຄັ້ງຕາມເສັ້ນທາງສຳຄັນ ແລະ ແກ້ໄຂຫຼາຍຈຸດ ທັງນີ້ກໍ່ເພື່ອເຮັດໃຫ້ການຈະລາຈອນສະດວກ ມີຄວາມເປັນລະບຽບຮຽບຮ້ອຍ ແນໃສ່ການປະຕິບັດ 6 ສ ໃຫ້ປາກົດເປັນຈິງ. (ຫນັງສືພິມວຽງຈັນໃຫ່ມ)
ແກ້ໄຂການຂາຍເຄື່ອງຊະຊາຍຕາມເສັ້ນທາງ
![]()
Reviewed by makarow
on
6:41:00 PM
Rating:
