ນະຄອນຫລວງວຽງຈັນ ພິຈາລະນາຫຼາຍບັນຫາສຳຄັນ
ກອງປະຊຸມອົງການປົກຄອງນະຄອນຫຼວງວຽງຈັນ
ຄັ້ງທີ 6 ຈັດຂຶ້ນລະຫວ່າງວັນທີ 23-24 ມັງກອນ 2017
ທີ່ຫ້ອງວ່າການປົກຄອງນະຄອນຫຼວງວຽງຈັນ ໂດຍເປັນປະທານຂອງທ່ານ
ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ມີທ່ານຮອງເຈົ້າຄອງ
ພ້ອມດ້ວຍບັນດາຫົວໜ້າພະແນກການອ້ອມຂ້າງ ແລະ ພາກສ່ວນກ່ຽວຂ້ອງເຂົ້າຮ່ວມ.ກອງປະຊຸມຄັ້ງນີ້ໄດ້ຮັບຟັງການລາຍງານ ແລະ ພິຈາລະນາຫຼາຍບັນຫາສຳຄັນກ່ຽວກັບວຽກງານຕ່າງໆຂອງ ນວ ເປັນຕົ້ນແມ່ນ ແຜນວຽກຈຸດສຸມປະຈຳເດືອນກຸມພາ 2017 ການກະກຽມກອງປະຊຸມວຽກງານຄຸ້ມຄອງບໍລິຫານທີ່ດິນ ແລະ ສິ່ງແວດລ້ອມ ແລະ ຮ່າງຍັດຕິກອງປະຊຸມວຽກງານທີ່ດິນທົ່ວ ນວ ແຕ່ນີ້ຮອດປີ 2020 ການຂໍອອກແຈ້ງການຂອງພະແນກພະລັງງານ ແລະ ບໍ່ແຮ່ ຂໍ້ຕົກລົງຂອງທ່ານເຈົ້າຄອງ ນວ ສະບັບເລກທີ 064/ຈນວ ກ່ຽວກັບການຈັດຕັ້ງປະຕິບັດວຽກງານກໍ່ສ້າງ ແລະ ຕິດຕັ້ງໄຟຟ້າໃນ ນວ ກຳນົດແນວທາງ ແລະ ບຸຄະລາກອນ ຈະໄປປ້ອງກັນຄະດີຄວາມກໍລະນີ ທ່ານ ປູຕິກ ແອນໂທນີ ສະເໜີເອົາໂຄງການສວນນ້ຳໜອງຈັນຂອງບໍລິສັດ ໂປຼສະປອດ-ໜອງຈັນ ຈຳກັດ ທີ່ຖືກຜົນກະທົບຈາກໂຄງການພັດທະນາດັ່ງກ່າວ ເຂົ້າສູ່ຂະບວນການໄກ່ເກ່ຍທາງດ້ານເສດຖະກິດຂອງຄະນະກຳມະການກ່ຽວຂ້ອງ ການສະເໜີຂໍຈັດກິດຈະກຳໄລຍະບຸນສົງການຢູ່ຫາດດອນຈັນ ແລະ ຂອບເຂດການຄຸ້ມຄອງແຫຼ່ງລາຍຮັບໃໝ່ຂອງຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ແລະ ອື່ນໆ ເພື່ອແນໃສ່ເຮັດໃຫ້ວຽກງານແຕ່ລະດ້ານມີຜົນສຳເລັດ ແລະ ບັນລຸເປົ້າໝາຍ
ນະຄອນຫລວງວຽງຈັນ ພິຈາລະນາຫຼາຍບັນຫາສຳຄັນ
![]()
Reviewed by makarow
on
7:17:00 PM
Rating:
